الاثنين، 4 أكتوبر 2010

العـــباس ( ع )


ها انا العـــباس ادعو بالسقى
لا اهاب الموت يوم الملـتقـى

استخدمت الفحم الاسود للخلفيه كطبقه ثانيه

واستخدمت قلم الباستيل الاحمر للكتابه

متردده بخصوص الرايه اسويها بالرصاص ولا الباستيل خايفه اخربها

عباس يا ضي عيني 3



هذي أول طبقه وباجر احط الطبقه الثانيه
انهد حيلي وانا احاول اصورها عدل
يبيلها بعد شغل وايد

عباس يا ضي عيني 2



انا العباس وبجروحي رسمت على الدهر مأتم من وحشه قلب زينب سواد الليله يتعلم
ومن عين الحسن وحسين لون الليل لون الدم

عباس يا ضي عيني


عذريني عذريني قطعوا العدا جفيني طاح اللوا يا زينب والسهم صوب عيني

حجم اللوحه

42* 59.4

الأحد، 3 أكتوبر 2010

كل قطرة دم بشرياني

لطميه قديمه بس رووعه

السبت، 2 أكتوبر 2010

مواقع للكتب

مواقع انا استفدت منها وان شاء الله تفيدكم
اول شي ببدا بموقع good reads
رووعه اي كتاب تبونه راح تلقونه ومعاه رفيو وراي القراء بالكتاب وقروبات شغل حلو يعني
انا اي كتاب ابيه او يعجبني على طول اسوي سيرج واقرا الرفيو تالي اقرر اشتريه ولا لا
وما ننسى ال book club بمنتدى كويتيات
فيه تجمعات وآراء البنات ونقاشاتهم
و منتديات روايتي
طبعا معروف وغني عن التعريف
وموقع 4shared
اذا تحبون تقرون باللاب او تحملونهم على ال e-books Reader

طقوس القراءة





كل بنت لها طريقه معينه في الي تحب تقرا بفراشها أو كرسي معين وفي الي تقرا باي مكان حتى بالسياره بالعياده واهي ناطره دورها


انا احب اقعد بداري ما احب الازعاج ما اقدر اركز بالكتاب واندمج مع ازعاج سوالفهم والتلفزيون

ولازم اكون مجهزه كووب قهوه نسكافيه كابتشينو موكا




ولازم الغرفه تكون باررده عشان اتلحف احب جذي ، عجبتني فكره الي بالصوره مخيطه لحاف بس حق القرايه جنه نفنوف ومسميته book blanket

ولازم المكان الي بقعد فيه يكون مريح وفيه على الاقل مخدتين وأفضل اني اقرا بالليل

وعندي اضاءة حق الكتاب تعلقينه اذا احد معاج بالغرفه ونايم وما تبين تزعجينه او تقدرين حتى تستخدمينه لما تقرين بالسياره


احب هالكوب كبيير والنسكافيه ما استغني عنه ولحافي الزيبرا والليت الي يتعلق بالكتاب ومخدتي الرماديه

ما استغنى عنهم :)