السبت، 30 أكتوبر 2010
الخميس، 28 أكتوبر 2010
نوم العوافي
يالولد نام نوم العوافي طيب الأحلام جفنك يوافي
وآنا بالويل بعدك اليوم أسهر الليل وأحضن هموم
الثلاثاء، 26 أكتوبر 2010
اعتذار
ناقشوني على البجي وماي السبيل واعتذر مولاي قالوا مهزله
راح اضم وجهي وعليك ابجي باناء حتى اراويهم دمعتي مسبله
السبت، 23 أكتوبر 2010
كل حزن في عيوني من عيونك اسرقه
كان ودي ارسمها بالحبر الصيني بس ما عندي ورسمتها بالجرافيت ما حبيت احط وايد تفاصيل :)
الثلاثاء، 19 أكتوبر 2010
السبت، 16 أكتوبر 2010
الخميس، 14 أكتوبر 2010
اضحك تضحك لك الدنيا
مو مخلصتهاتطبيق لرسمه الرسام الايراني مرتضى والفرق شااااسع طبعا لووووووول
بس مو عيب الواحد يحاول ويغلط :)
الخميس، 7 أكتوبر 2010
الأربعاء، 6 أكتوبر 2010
الشاعر ايهاب المالكي
قصيدة انا اعوفك ياعلي بس بشروط
الامام العباس (ع)
قصيدة للعقيلة زينب (ع)
قصيدة الى الحوراء زينب
علي بطاري اسمك
صح لسانك
الثلاثاء، 5 أكتوبر 2010
الاثنين، 4 أكتوبر 2010
العـــباس ( ع )
ها انا العـــباس ادعو بالسقى
لا اهاب الموت يوم الملـتقـى
لا اهاب الموت يوم الملـتقـى
استخدمت الفحم الاسود للخلفيه كطبقه ثانيه
واستخدمت قلم الباستيل الاحمر للكتابه
متردده بخصوص الرايه اسويها بالرصاص ولا الباستيل خايفه اخربها
عباس يا ضي عيني 3
هذي أول طبقه وباجر احط الطبقه الثانيه
انهد حيلي وانا احاول اصورها عدل
يبيلها بعد شغل وايد
عباس يا ضي عيني 2
انا العباس وبجروحي رسمت على الدهر مأتم من وحشه قلب زينب سواد الليله يتعلم
ومن عين الحسن وحسين لون الليل لون الدم
الأحد، 3 أكتوبر 2010
السبت، 2 أكتوبر 2010
مواقع للكتب
مواقع انا استفدت منها وان شاء الله تفيدكم
اول شي ببدا بموقع good reads
رووعه اي كتاب تبونه راح تلقونه ومعاه رفيو وراي القراء بالكتاب وقروبات شغل حلو يعني
انا اي كتاب ابيه او يعجبني على طول اسوي سيرج واقرا الرفيو تالي اقرر اشتريه ولا لا
وما ننسى ال book club بمنتدى كويتيات
فيه تجمعات وآراء البنات ونقاشاتهم
و منتديات روايتي
طبعا معروف وغني عن التعريف
وموقع 4shared
اذا تحبون تقرون باللاب او تحملونهم على ال e-books Reader
طقوس القراءة
كل بنت لها طريقه معينه في الي تحب تقرا بفراشها أو كرسي معين وفي الي تقرا باي مكان حتى بالسياره بالعياده واهي ناطره دورها
انا احب اقعد بداري ما احب الازعاج ما اقدر اركز بالكتاب واندمج مع ازعاج سوالفهم والتلفزيون
ولازم اكون مجهزه كووب قهوه نسكافيه كابتشينو موكا
ولازم الغرفه تكون باررده عشان اتلحف احب جذي ، عجبتني فكره الي بالصوره مخيطه لحاف بس حق القرايه جنه نفنوف ومسميته book blanket
ولازم المكان الي بقعد فيه يكون مريح وفيه على الاقل مخدتين وأفضل اني اقرا بالليل
وعندي اضاءة حق الكتاب تعلقينه اذا احد معاج بالغرفه ونايم وما تبين تزعجينه او تقدرين حتى تستخدمينه لما تقرين بالسياره
احب هالكوب كبيير والنسكافيه ما استغني عنه ولحافي الزيبرا والليت الي يتعلق بالكتاب ومخدتي الرماديه
ما استغنى عنهم :)
الاشتراك في:
الرسائل (Atom)